又來阿浩~

2009-07-29

屋企用緊IE8, 呢兩日忽然開唔到Gmail, 其他site又無事喎, 公司用webmail 開都無事, 究竟點解, 係唔係可以大條道理屋企電腦開唔到webmail 就唔洗非辦公時間覆 office email? 終於天見阿浩可憐, 送份大禮俾阿浩?? microsoft vs google 大戰? 係唔係應該裝返個 google chrome? 

2009-07-28

本來不打算寫的啦, 但今天整個下午的電郵電話都在JMJM的, 挑起阿浩條根囉.

假期中預約 Jo Malone那手部按摩嘛 (呵呵), 除了雙手舒舒服服十五分鐘外, 就是 JM哇一聲的香味: 香水, cream, bath oil. 

首先, 靚女先帶阿浩選味. 阿浩喜歡花香嘛 (還有花以外的): Orange Blossom, Rose, French Lime Blossom, Jasmine, Cacao… 不論是獨立的香氣還是混合的都是超讚, JM最好玩就是可以溝味: A+B, C+G, D又可以加A, 直頭玩到大兜亂, 卻又每次都溝出特別的味道. 玩一餐試到鼻都甩, 最後阿浩選了好warm 的 Orange Blossom + French Lime Blossom, 靚女就開始用French Lime Blossom 的 cream為阿浩的手按摩, 按畢用 Orange Blossom 香水在手和手臂上勁噴, 一兩分鐘後, 靚女叫阿浩從手蹭聞到手掌, 嘩! 簡直無得頂~~  

當然, 靚女的真身始終是一個銷售員, 只是她的公司比一般來得慷慨, 客人想要點試都得. 她見阿浩選的都是花香, 不如就試試玫瑰味啦, 更在 counter 上即玩 bath oil, 不需要一浴缸水 (哈哈, counter 上的一浴缸水試bath oil!?), 一杯微溫的水, 混入少少bath oil, 水色即時轉奶白, 靚女輕輕將水拍在阿浩前臂上, 再用毛巾拍乾 –> 得, 得咗!

在JM 購物, 你不單只得到你買的一樽二樽, 還有它大方得體的禮盒包裝 (即使只是一小瓶), 以及在所有包裝wrap 上噴上你揀選的香味. 是不夠環保, 但一開袋就有香味湧出來, 真的好難走得甩. 一級香味, 一級包裝, 價錢也是一等一.

C呀, 要有自制力喔, 呵呵呵呵~~~~ (難得你忙到死之時能帶來一陣興奮, 划得來吧, 加油啊)

2009-07-26

好, 休假一星期, 結果無論精神或肉體上都好似無放過假一樣, 真失敗. 下次應該要用”斷六親之法”, 電話電腦一律唔准開無access. 唉, 下次放先算啦.

這幾天總的來說就是吃睡懶, 而為免頭痛發作, 吃就被睡和懶遠遠拋離 (雖然臨尾兩日都走唔甩頭痛噩夢); 另一個重點項目就是促進經濟, 為本地勞動市場和經濟繁榮盡一點力.

某日在Log-on見到一種ID Guard Stamp, 專門用來在垃圾郵件/要銷毀信件的地址上蓋印, 以防止私隱外洩. 阿浩平日是在垃圾信上撕去地址才丟的, 有了這個handy小幫手就方便多啦~~ 唔, 未呀, 其實無買到… XD
http://bungu.plus.co.jp/sta/english/dealer/pdf/PLUS_Flyer_IDGS_B2.pdf
中碼 — $7X
大碼 — $98

2009-07-22

明明打哂鑼敲哂鼓這星期放假啦, 誰料公司那堆蘇州米田共愈積愈大堆, 大到阿浩知道同事們鐵定不會在文件中找到答案, 今天只是星期三, 在阿浩的假期還有足足一半未放的日子, 下午竟然已經”藤”返公司鏟X! (只怪阿浩的鑼鼓響不到意大利… 死人SAVINO!!!!)

4:45回到公司, 以為只要攪定SAVINO那張幾十個items的單子就好了, 豈料原來這幾天確認的單, 全都未有正式發order 到廠 , 我知我知, 始終同事們不可能全幫阿浩做嘛, 於是”覆得一樣唔淨在做埋第二樣”的大前題下, 阿浩結果留到8:30才落閘放狗, 而且東西還沒全清!  

最精彩是阿某某, 阿浩回到公司就已經說她今晚不可晚走 (平日她鎖門), 阿浩也已明確表示我可以自己鎖門, 同事M也說知道阿浩夠力拉閘, 也試過留最後. 六點前後左右, 阿浩已不斷叫某某先走不用等我, 她卻不停地問阿浩: “差不多了吧差不多了吧? 得你一個人唔好o既.” 同事呀, 妳怕被家人說遲到而不聽電話, 趕時間又唔走, 催阿浩都無用喎, 阿浩枱面有多少功夫阿浩自己知啦, 好幾次說有排都未掂, 妳又唔信, 要玩住接龍響到坐, 妳又幫唔到我, 咁即係做咩o者!? 擾攘到七時許才面有難色地先走, 何必呢? 何必~呢???

剛剛開o左樽 Jo Malone Bath Oil 搽身, 玫瑰玫瑰, 我愛你~~~~

2009-07-21

放幾天假, 也算舒服啦, 不過, 竟然兩天都在外面用 iTouch 上網回公司電郵, 連廠長都來電囉, 嘿嘿…

想不到放假會這樣子消費不斷, 真的要怪市道不佳 (某天電視說市民消費意慾回復了, 是說阿浩吧…), 間間店都大減價超低價一件不留甚麼的, 唉, 可憐阿浩乾塘到無可再乾, 還要每天一袋一袋的苦力回家.
[也真別怪阿浩, 昨天逛著逛到Polo Jeans, 減價之餘還買3件再七折, 結果埋單是原價一件 = 現在買三件!! 前幾天看了吊墜, 雖然是貨尾, 但劈頭就四折!]

今日閒著半天家裡舒舒服服看電視, J2台灣節目 «大學生了沒» 看一部分 (沒太留心看, 要一邊跟貓貓聯誼, 餵益力多 ), 講關於大學生的英文 (程度/測驗/指導學習方法這些), 真的不好意思, 他們也蠻”唔掂”的 (不是說阿浩有多好啦, 不過大學生不是那種程度吧).

例 (大概):
寫出以下詞語的意思
Big Apple  –  紐約  –>> 好像十幾個學生都答對了
Adam's Apple  –  喉結  –>> 一半錯吧, 有人寫 “禁果”, 只可以說聯想力不錯
Love Apple  — 蕃茄  –>> 好像全錯了, 就算不知道來源, 也應該知道是甚麼吧
Devil's Apple  — 薯仔  –>>  這也好像全錯

Carnation, lice, disinfect 等單字, 看他們的反應也是不懂, 有人說 rose 跟 lotus 差不多… 阿浩不知道, 雖然說新一代文字能力下降, 但這種程度, 唉…

2009-07-18

無事無事, 咩事都無~ XDDDDD

2009-07-16

假期正式批出, 即是說還有一日半, 阿浩就有得free 一星期~~

老闆問阿浩放假到哪去, 其實真的沒什麼大計劃啦, 優優閒閒一星期真的好難理解嗎? 接著老闆竟然問阿浩去不去日本. 阿浩劈頭一句: 而家yen咁高! (兌82呀!) 原來Z一家包團玩類似蔡生的好食好住團, 原本叫老闆同去, 但是東京六天團… 對, 東京, 還要六天!? 無須學杜如風走遍東京窿窿lala 喎, 雖然有一日溫泉… 老闆指如果地點是北海道她就報名囉, 於是利用阿浩下星期放假之橋, 說不便離港; 而如果阿浩有興趣也可join Z 同玩.

係囉, 如果北海道阿浩也去報名囉 –>
即完全無視金庫已經空空如也的慘況 (怨恨M竟然幾隻skype字就嚇醒阿浩的白日夢) –> 
如果附近有儲蓄社就好啦, 1%利息!!! 要阿浩排三晚通宵都要去報名入會!!

hmm…