又來阿浩~

2007-06-23

咦! 無端端被人話懶, 就寫一篇”頂o下當”啦~

近日最奇特的當然要數做了一份翻譯test. 那是M公司招請freelance 的一個招聘測試, 阿浩是只要那份job不是”特急”就ok, 睡覺/邊流口水邊發吽哣/吃喝玩樂仍然排在priority榜首三位. 可能有好長時間沒有讓別人”評估”阿浩的能力, 以往做的都是斷斷續續的一點小兼職, 這次倒有少少緊張感. 那夜M幫忙看一下譯文, 我想至少沒有太多理解問題吧, 感覺上好似回到以前讀書做功課的時候呢.

記得以前譯得最多的是«劇場組合»的宣傳品, 但好多都是免費幫手, 當作是個短短的練習. 最誇張的一次, 是譯公司章程, 以前在律師樓工作用的都是英文版, 見得多, 內容也不是好難, 但篇幅實在好長, 幾十頁的, 那家公司又不斷講價, 結果阿浩竟以”頂爛市”價接下來, 現在回想起, 都覺自己有點蠢啊.

2007-06-14

因為P回來攪聚會, 連好久沒見的I也聯絡上. 他連阿浩幾年前換的手電號碼都沒有, 就証明阿浩有多”無良心”, 嘿嘿~

I是當年我們組裡唯一男生. 文科學系嘛, 全班就只得那麼兩個雄性地球人, 我們又總跟另一位男生溝通不良, 於是上課時都差不多會聚在一群坐; 到後來畢業了, 聚會都有I. 又可能他終於漸漸醒覺到一個大男生跟一群美麗可愛的女生飲飲食食有點尷尬, 結果漸漸就不參加我們的聚會, 實行”自然流失”.

這次P帶恆恆仔仔回港, 就攪個大聚會, 連好少見面的雙S都會出席. 阿浩那天打電話過去, 呵, I是認不出阿浩的來電號碼啦, 倒是一句: “我識左你十年喇!” 就讓他估到了.

哈哈, 鑽石王老五喎, 佢話佢!

2007-06-09

前些日子, 阿浩見Etsy Blog一篇文章, 介紹美國一家出版社正籌備一本名叫”1000 Jewelry Details”的書, 展示製作過程簡單的DIY飾物, 歡迎投稿. 阿浩見得閒無事做, 就傳去幾個頸錬圖片試試. 哈!! 剛剛星期三收到電郵, 說阿浩有兩條頸錬”入選”!? 因為是海外, 於是想要阿浩自行拍一些高像素的圖片送過去, 另要簽一份授權予出版社. 阿浩自己拍是不行的啦, 打算將頸錬寄過去, 他們攪定後再寄回來吧.

就是這兩條, 哈哈哈~~~

2007-05-28

最近好容易疲倦, 一對小腿老是酸酸軟軟, 走兩步就想停, 老闆說是濕氣重, 建議飲袪濕茶. 前些日子跟M逛街, 見到一檔推廣展銷, 介紹紅外線健康燈, 怱怱取來介紹單張就離去了. 回家讀一下, 說紅外線可以擴張血管, 促進血液循環, 加速排出身體廢物, 對消除疲勞有明顯功效, 在猶豫好不好買一支來試, 但又怕結果玩一些日子, 興致過後又棄如敝屣, 就像家裡放在一邊的按摩器一樣. 阿浩是”按摩絕緣體”, 別人興致勃勃講按摩講足浴, 阿浩怎麼都沒有共鳴, 曾經跟B試一下足浴, 按摩小妹一碰阿浩就笑, 且是笑個不亦樂乎, 小妹放輕一點再來, 阿浩笑得還更要厲害一點, 就是好痕好酸嘛, 結果小妹”左右為難”, 阿浩又貼錢買難受, B那時倒是當看了一齣喜劇一樣, 看阿浩被折磨足足45分鐘…

怎麼? 有好介紹麼?

2007-05-21

做了幾年小秘書, 每天接/截的cold call 可算不少,但是愈聽愈不明白, 為什麼推銷IDD服務或者特價文具的推銷員, 總愛找老闆推銷.

誠然, 老闆一定是”話事人”, 若能直接對話的當然”無懈可擊”; 阿浩工作這幾年間, 每天過濾的來電不下20個, 當中濾得最多的首推IDD服務, 繼而是銀行服務和文具公司, 但每個人都知道, 無一個真正的老闆會有興趣想知道這些的. 推銷銀行服務倒是無可厚非, 尤其是什麼什麼貸款融資, 就算是老闆肚裡的蟲也未必知道老闆是否有興趣. 而其他”扮熟扮老友”的白撞雖則無正式統計, 為數也不少, 而且每次都會惹來笑話一陣.

‹個案一›
男: xxx (老闆) o丫~
同事: 請問你貴姓搵佢呀?
男: 我係佢私人朋友.
同事: (知道通常這種 “虛無” o既答案就有問題, 真係朋友就已經講o左自己係邊個啦) 有咩事呢? 方便講低嗎?
男: 我同佢好熟架, 私人o野唔方便同你講. 一係你比佢手提號碼我打比佢啦.
同事: (”好熟” 就有佢手提啦, 仲問我!? 咁 “私人” 仲乜打o黎公司??) 我o地唔方便比佢電話你, 你有事請講低啦…

‹個案二›
女: 叫你老闆聽!!
同事: 請問你貴姓搵佢呀?
女: (惡) 我搵你老闆呀! 叫佢聽啦, 佢唔o係到咩??
同事: 請問你係邊位呢?
女: 你叫咩名呀? 你老闆唔o係到咩?! 
同事: 我叫xx, 你等等… [轉線阿浩繼續]
阿浩: 喂?
女: 頭先聽電話個人叫咩名呀? 咁差態度講o野!? 我搵你老細呀!!
阿浩: 請問邊位搵? 我係佢秘書.
女: 頭先個人叫咩名? 我要投訴佢!!
阿浩: 請問你係邊位?
女: 我係佢表妹呀!!
阿浩: 請你等等…

** 阿浩: 老闆呀, 有位小姐話係你”表妹”呀, 你聽唔聽?
** 老闆: (思考5秒) …我都無 “表妹” o既!!

2007-05-18

My Flower Garden

http://www.procreo.jp/labo/flower_garden.swf

2007-05-17

昨天同事A又怱怱到廠裡去, 而且更”變本加厲”留到黃昏6時多才離開廠回港, 無法啦, 我倆都沒有去”攝太歲” ~

知道嗎? 後來同事A竟然跟阿浩說, 廠長問她: 阿浩有沒有廿三歲?

哇哈哈~~~ 唔好玩啦!!