又來阿浩~

2007-01-09

上星期六潮州兩日遊, 到人家工廠的 “石倉” 尋寶: 水鑽, 玻璃石, 半寶石, 市面上買不到的形狀, 顏色也多到令人眼花撩亂, 甚至有一些包裝得好像是廉價的塑膠石的石頭, 細看才知道原來是名廠出品的半寶石!

阿浩這兩天投身於珠寶設計行業, 瀏覽各國最新潮流珠寶配飾的網頁, 用新發現的寶藏, 併湊出簇新的飾品系列.

2007-01-06

當公司已能正常上網 的時候, 這兩天竟然到家裡未能連線, 弟說是ISP有什麼東東要維修之類. 啊, 地震後問題最嚴重時連線都沒問題, 到現在才”來”, 這是不是另類”後知後覺”??

前天又拜託 “售貨員K” 和M陪阿浩去買NDSL, 粉藍色的!! 雖然阿浩從小已是(看弟)打機一族 [弟可是有股”被人看著打機”的癖好, 小時候紅白機年代, 常常會問: “你睇唔睇我打機?”], 可一直未能”上手”, 後來更引發出”手腦不協調症候群”, 病情嚴重; 自此, “打機”之於阿浩就是只限”斯文類遊戲”, 即四川麻雀, 找錯處, 俄羅斯方塊等等, 連經典的孖寶兄弟也每每只得”低空略過”的過關 (當然, 過到關的話…). 這次買了Cooking Mama的遊戲, 步驟配料都蠻真的, 跟著做也許會作得出相同的料理耶!

昨天弟也買了一步白色的NDSL, 而且有孖寶賽車和龍珠的格鬥遊戲. 昨夜跟他鬥車一番, 如果阿浩說勝出了, 你也不信吧…

2007-01-03

轉眼又一年, 一如既往, 阿浩又有一個新的日曆. 日曆跟月曆不同, 日曆是”日日搣”, 一年365日, 每日都有”新驚喜”; 月曆就至少要等28日才可滿足一下撕裂之欲, 相比起來, 次數可謂彌足珍貴. 而最經典的日曆, 當然就是阿婆級附”宜忌”項目的財神日曆, 小時候看著那大大隻兼日日不同的數字覺得好好玩, 常問外婆為什麼不可以一日搣幾張.

本年度的日曆, 好明顯是用來 “放飛機” 的, 因為每一頁都會教你摺一隻紙飛機! 全部有步驟有順序, 而且日日飛機圖案都不一樣. 千萬別要少看摺飛機這玩意, 據日曆所寫, 單單款式已有30種之多, 而且還有同類教人摺飛機的專書出售, 完全是一門學問來啊.

2007-01-02

新年進步! 身體健康! 2007年人人開心!! 網路癱瘓問題終於有改善, 今日上班終於可以順利開到msn, 終於… 終於阿浩踏入這一年!

年齡問題不再提了, 如果新年寫一次, 生日又寫一次, 阿浩怕自己會活在陰影中, 不能自拔! 倘若有人問, 阿浩會借用F的答案: “我唔知自己幾多歲喎!”  (請F考慮申請Copy Right, 你可能會因此發達!  )

除夕在沙田有倒數活動, 阿浩和M去逛街之餘更欣賞了數個演出: 有高空倒掛樂隊演奏, 雖然無甩褲項目, 但難度仍高; 另外還有踢躂舞, Flamingo, Masquerade巡遊, 歌劇演出等等.  

阿浩要: 愈來愈精靈~~~~

2006-12-30

T師傅說, 要教我兩個字: “放下”, 又要我 “多d出去行走江湖”.

嘿嘿, 難道我的樣子透露了些什麼?

2006-12-29

同事A下午要到客戶公司裡洽談, 一早就公告”天下”她下午要外出.
作為同事A助手的變態女: (命令式) 你要做好哂XYZ公司o既o野你先至好出去呀, 如果唔係…
同事M: (見變態女又 “無疾而終”, 就替她把話說完) 如果唔係, 炒你魷魚呀~~ [哈哈哈哈~~ ]

*******************

變態女: 同事A, 我好鐘意你個化妝袋呀…
同事A: 咁點呀?
變態女: er…
阿浩: 同事A, 你幾錢買o架? 賣比佢啦.
同事A: 好啦, $20賣比你!
變態女: o下? 攪錯呀, 你又成日送o野比同事K…
阿浩: 變態女, 點解你成日想人送o野比你?
變態女: 啊, 我唔係咩人送我都要o架!!
阿浩: 嘩, 要人送o野比你, 仲要揀擇呀? 你以為你係邊個?

********************

同事A: 徐子淇就犀利喇, 一嫁就幾億喇!
變態女: 我未結婚咋, 我嫁o個時仲犀利過佢啦!!
( 嘩~~~~~)

********************

公司裡差不多隔天就有同事買$10幾個橙回來, 同事K下午較空閒就會為大伙兒製作 “同事K牌鮮榨橙汁”. 大家不是要計較誰買得多, 但每次都”不願付出”似乎又有點說不過去, 於是自然地, 大家都會輪流買.
同事A: 變態女, 不如今日就你請飲橙汁啦?
變態女: o下? 我飲少少咋喎.
同事A: 每次每人都係飲少少o架啦, 同事K都係平均分o既.
阿浩: 變態女, 都係十蚊o者.
變態女: 咁我都係唔飲喇.

********************

同事M: 今年年三十晚係公眾假期, 即係返工返到年廿九咋喎.
變態女: 咩呀, 你講錯第二次喇, 呢個月(12月)都唔只30日啦, 咩返到年廿九呀?!
同事M: 你講咩呀? 我話過年喎.
變態女: 係囉, 你下次要講清楚係講緊農曆定西曆o麻!
同事M: 究竟有邊個會認為 “年三十晚” 係講緊西曆呀??

********************

變態女: 阿浩呀, 公司無哂大膠袋喇…
阿浩: 我都無個喎…
變態女: 阿浩呀, 呢d呢, UPX o既發泡膠粒粒, 用哂喇…
阿浩: 我講過啦 (變態女提出過同樣問題不少於3次), 呢d發泡膠粒粒係外國客戶寄o野o黎時o既包裝, 唔係我搵返o黎o架…
變態女: 阿浩呀, $1.40 同 $5.00 o既郵票就快用哂喇…
阿浩: 同我講做咩呢? 呢d o野唔係我負責比錢, 又唔係我出去買, 對上一次要買都唔係話我知o架, 做咩呢次要同我講?
變態女: 係囉, 呢d就o黎無哂喇…
阿浩: (”係囉”?!?!) 咁做咩同我講? 我從來無負責過買呢d o野喎, 我幾時做o左採購部?

********************

同事A平日工作繁忙, 許多年沒有支有薪年假. 剛好近日她家中有老人家回鄉設壽宴, 便想順道多請假幾天.
同事A: 啊, 如果我請埋呢3日就可以有8日假期呢.
變態女: o下?! 你都未問我!
同事A: 點解我請假要問你? 老闆俾我放就得啦. 
變態女: 無端端你請假做乜o者, 咁我點呀?
同事A: 同事M呀, 我請幾日假你會點呀?
同事M: 祝你玩得開心d!!

********************

同事K: 變態女, 有無諗過幾時同男朋友結婚呀?
變態女: 嘻嘻, 唔知呀.
同事K: 仲唔諗幾時呀? 你下個月就30歲囉喎.
變態女: 係呀, 卜卜脆o丫o麻!

2006-12-28

一陣短暫卻有如天崩地裂的搖晃, 瞬間帶走了生命和溫暖的家, 印進腦海那頹垣敗瓦的畫面, 似遠還近, 就在越過海岸的彼端, 一般的黃皮膚面孔, 帶距離感的悽愴眼神. 願  平安.