又來阿浩~

2007-06-14

因為P回來攪聚會, 連好久沒見的I也聯絡上. 他連阿浩幾年前換的手電號碼都沒有, 就証明阿浩有多”無良心”, 嘿嘿~

I是當年我們組裡唯一男生. 文科學系嘛, 全班就只得那麼兩個雄性地球人, 我們又總跟另一位男生溝通不良, 於是上課時都差不多會聚在一群坐; 到後來畢業了, 聚會都有I. 又可能他終於漸漸醒覺到一個大男生跟一群美麗可愛的女生飲飲食食有點尷尬, 結果漸漸就不參加我們的聚會, 實行”自然流失”.

這次P帶恆恆仔仔回港, 就攪個大聚會, 連好少見面的雙S都會出席. 阿浩那天打電話過去, 呵, I是認不出阿浩的來電號碼啦, 倒是一句: “我識左你十年喇!” 就讓他估到了.

哈哈, 鑽石王老五喎, 佢話佢!

2007-05-21

做了幾年小秘書, 每天接/截的cold call 可算不少,但是愈聽愈不明白, 為什麼推銷IDD服務或者特價文具的推銷員, 總愛找老闆推銷.

誠然, 老闆一定是”話事人”, 若能直接對話的當然”無懈可擊”; 阿浩工作這幾年間, 每天過濾的來電不下20個, 當中濾得最多的首推IDD服務, 繼而是銀行服務和文具公司, 但每個人都知道, 無一個真正的老闆會有興趣想知道這些的. 推銷銀行服務倒是無可厚非, 尤其是什麼什麼貸款融資, 就算是老闆肚裡的蟲也未必知道老闆是否有興趣. 而其他”扮熟扮老友”的白撞雖則無正式統計, 為數也不少, 而且每次都會惹來笑話一陣.

‹個案一›
男: xxx (老闆) o丫~
同事: 請問你貴姓搵佢呀?
男: 我係佢私人朋友.
同事: (知道通常這種 “虛無” o既答案就有問題, 真係朋友就已經講o左自己係邊個啦) 有咩事呢? 方便講低嗎?
男: 我同佢好熟架, 私人o野唔方便同你講. 一係你比佢手提號碼我打比佢啦.
同事: (”好熟” 就有佢手提啦, 仲問我!? 咁 “私人” 仲乜打o黎公司??) 我o地唔方便比佢電話你, 你有事請講低啦…

‹個案二›
女: 叫你老闆聽!!
同事: 請問你貴姓搵佢呀?
女: (惡) 我搵你老闆呀! 叫佢聽啦, 佢唔o係到咩??
同事: 請問你係邊位呢?
女: 你叫咩名呀? 你老闆唔o係到咩?! 
同事: 我叫xx, 你等等… [轉線阿浩繼續]
阿浩: 喂?
女: 頭先聽電話個人叫咩名呀? 咁差態度講o野!? 我搵你老細呀!!
阿浩: 請問邊位搵? 我係佢秘書.
女: 頭先個人叫咩名? 我要投訴佢!!
阿浩: 請問你係邊位?
女: 我係佢表妹呀!!
阿浩: 請你等等…

** 阿浩: 老闆呀, 有位小姐話係你”表妹”呀, 你聽唔聽?
** 老闆: (思考5秒) …我都無 “表妹” o既!!

2007-05-18

My Flower Garden

http://www.procreo.jp/labo/flower_garden.swf

2007-05-15

暫停掛文章上來有兩個星期呢, 終於”望”到閒一點了, 趕的貨都差不多接近完成階段, 算是”順利”衝到終點. 可同事A的惡運又接著出現, 她今天才問阿浩, 是不是我倆都是豬年犯太歲的得獎者, 所以咁黑呢?

今早約好到廠驗貨, 晨早8:30到羅湖口岸集合, 豈料去到才知道廠今日停電, 結果白行一趟, 十足遊車河; 回到公司見到一大堆電郵簡直想罷工! 但再想, 老闆加你人工, 就是要你”全情投入”啊…

上星期母親節, 正日無活動, 提前星期四晚到都會海逸酒店食超正斗自助餐, 阿浩是本月之星, 網上訂枱有八折優惠, 每人消費$315.00有找, 飽到翌日下晝!! 相較之下, 四月尾為阿浩祝壽的帝苑自助餐簡直不值一提~後來更要借用弟的出生日期(6月)到都會海逸的網站登記, 誓要將八折優惠延續下去~~~  

2007-05-03

2007-04-15

近日, 上班都似打仗, 從早忙到晚, 有時連跟同事們聊聊天都閒不下雙手, 不是在寫傳真, 就是對著電腦打電郵發票, 枱頭撒滿一大堆樣品, 另一邊放滿一tray未回覆的客戶查詢, 阿浩眼角瞟一下都已覺頭痛.

昨天中午下班後要趕到廠裡驗貨, 還好這次在深圳包車前往, 總比坐長途巴士好. 因為回程時司機要到8時才回來接我們到深圳, 所以驗貨後廠長送我們到附近的超市去逛一下才吃晚飯. 大陸的超市都是這樣的吧, 除食物日用品外, 連電器衣履玩具都一應俱全.

總的來說, 就是累…

2007-04-02

最近真的好忙耶, 連平日有的閒情逸致上個網衝下浪, 跟M東拉西扯都沒時間, 真可惡啊!

阿浩特別想要提一下的, 就是近期”轟動”全港的痴情女粉絲事件. 原先阿浩是沒有耐性去讀她如何如何地痴心來港啦, 只看到大字標題那位父親”死諫”, 於是有好幾天阿浩就一廂情願地以為老父”對女兒的盲目以死相諫”! 直至阿浩收到友人傳來的轉載電郵, 據說是那父親的遺言, 讀了幾句, 才知道原來他諫的是劉德華!! 見鬼! 什麼樣的父母教出什麼樣的子女, 好啦, 他一家果然是要賣樓套現的, 套現來看精神科醫生, 一家三口都看專科好”乸利”的!! 死人了仍然無人醒悟, 仍然繼續癩! 是應了變態女的一句口頭蟬: 痴痴呆呆, 坐埋一檯!