又來阿浩~

2006-11-09

變態女最近一年在IVE報讀夜間課程, 進修進修, 實為好絕佳好事; 同事A也來湊湊熱鬧, 說要去進修法律相關課程, 以增進知識, 特別是對私隱被侵犯的相關法例有極大興趣.

變態女知道後反應好大: 讀呢d o黎有咩用o丫!

同事A: 我鐘意呀, 有咩問題?

變態女: 呢D學都好返o既, 讀呢d無用o架!

阿浩: (睇唔過眼) 人o地覺得有用就去讀啦, 唔洗你去判斷o個樣o野有無用喎, 你係邊個呀, 你話有用就有用?! 咁你返o個d有咩用? 返學咁無用咁你又返? [嘿嘿, 痛快呀痛快~]

變態女: 我係好聰明o架, 只係同事A成日唔俾我跟住佢, 我又無o野做先返學咋!

(咁聰明又仲去讀IVE嘅!?)

2006-11-08

近日本港某政經富豪逝世, 公司裡同事們時有討論. 逝者出殯, 變態女忽然加一句: -

“老懵董扶靈吖嘛, 都唔見曾蔭權…”

阿浩: 曾蔭權去o左同巴羅佐傾計喎.

同事M: 變態女呀, 而家香港邊個係特首呀?

變態女: 唔… 我都唔知邊個呀, 都唔見曾蔭權, 剩係見到老懵董…

2006-11-08

每次二姨, 六姨她們回港, 都會找阿浩食飯. 她們不是真的是阿浩的阿姨, 而是初認識時叫著叫著, 到現在就都沒有改叫別的. 以年齡算來, 她們足可以做阿浩的母親長輩級, 但其實只可說是”朋友”吧. 跟她們一家聚在一起時, 比如上兩星期的烤羊腿聚餐, 就好比一個女性餐會, 六個不同年齡的女人(當中四位是姊妹), 各自生活於不同的層面, 活躍不同的圈子, 為著親厚情誼相聚一夜, 無所不談.

雖然阿浩覺得這種聚會好舒服, 但曾經讀過某文章, 單身女人切忌太享受與同性的聚會, 因為與同性一起太舒服自在而令自己心理上覺得男人在生活中是不必要的, 潛在地不留意身邊的potential target云云…

有一次跟二姨和三姨午飯, 她們以”有經驗人士”的身份提點阿浩, 說應該要去一下旅行, (獨個兒?), 對啊, 要參加一些優質的旅行團, (豪華團?), 對, 這樣多認識些人, 才有機會啊……

… 噢, 果然一個好忠告…

2006-11-06

好怕在街上嗅到樟腦味, 唔, 即那種衣櫃裡用防潮珠的味道. 換季的時候, 特別是氣溫驟變的時候, 也許人們來不及把櫃裡的衣衫拿出來吹吹風才穿, 走在街上, 巴士上, 地鐵裡, 在在都飄著悶悶的樟腦味.

嘻嘻, 網上搜到少少資料, 阿浩是有夠無聊的: - 

“樟樹, 天然樟腦即由此樹提煉，而在開發史上，曾具主要地位，樟腦製造業發展甚早，其木材不單為彫刻、建築材、製造家具之良材。其木材葉之蒸餾物─樟腦、樟油等，為工業上及醫藥上之主要原料。樟腦事業，遠在明末清初，便有先民辛勤經營，日本據台後一八八九年曾設單獨機構，專門處理樟腦業務事項─樟腦局，並訂樟腦管理辦治，實施樟腦專賣制度，訂定樟腦之砍伐，保護及造林計劃，獎勵民開大量種植。樟樹可提煉兩種產品，一是樟腦油，一是白色結晶的樟腦，可製成粉劑或丸狀。早年化學工業不甚發達的時代，是藥材、香料、殺蟲劑的重要原料。台灣是世界天然樟林的主要分布地區，清代嘉慶、道光年間，由於國際市場的需求，台灣迅速成為世界最重要的樟腦產地，樟腦、蔗糖、茶葉譽為昔日的「台灣三寶」。”

記得”那一次”, 要用散發奇味的樟腦丸來驅蟲, 當時對大家也是頭一遭吧, 但原來態度正確呢.

2006-10-31

剛剛本來寫了一段, 但上傳時被mocasting吃掉了, 再想想, 覺得實在無必要要”解釋”, 阿浩只是想說: 阿浩和眾同事不是黑心黑到骨子裡去, 要找一個變態女冠上名字來”欺侮”. 變態女是阿浩這許多年來認識的人當中最特異的一個, 這些有關變態女的小故事, 是阿浩想要記下的, 將來會是阿浩想要回味的點滴.

2006-10-20

走過”梗有一間o係左近”的 “優之良品”, 眼尾一瞥, 見到大大袋的甘栗之餘, 還有未見過的大大袋 “滷蛋”.

阿浩不常到優之良品逛, 零食大都是到超市入貨, 忽然見到滷蛋, 滿有趣的, 而且那店子的慣玩把戲: 買一送一, 總能吸引阿浩的小女人潛能, 於是一買就有兩袋. 軟軟的, 不似鐵蛋, 味道也夠, 最要緊: 吃的乾手淨腳!

2006-10-19

同事A將一張舊的價目表交予變態女, 說: 來價平宜了, 將原價減”十五個”, 重新出這份價目表. 而價目表上清楚寫明有哪些產品可減價, 有哪些價格不變.

變態女將工作拖延了兩天, 有一天更特別跟老闆說: 老闆,  同事A要我做這份價目表啊. (當中意思實是耐人尋味.)

然後…

變態女: 阿浩呀, 我考o下你o丫…

阿浩: “你” 考我呀??

變態女: 係呀, 呢張呢 (價目表), 呢到呢d 減15個, 咁係唔係呢便呢d 唔減呀?

阿浩: (即時醒目) 咦, 你話考我喎, 你咪知道答案先o黎問我囉, 呢張我知o架喇, 唔洗考我喇.

變態女: 唔…

你估是變態女真想考阿浩, 還是想借阿浩來確認有沒有計錯數呢…?