又來阿浩~

2006-10-19

其實, 愛看恐怖/驚慄電影的朋友到底是抱著什麼心情的呢? 好像阿浩這種嚷著不怕不怕但每當畫面有突發鬼怪出現就會”wee waa 鬼叫”的? 還是浩媽那種泰山崩於眼前而不皺一眉?

記得當年拿到«見鬼»的首影戲票, 硬拉著當時的男友要去看, 怕到要叫的次數不多, 卻是心寒寒, 在椅上愈縮愈低, 臉面也偏一邊免得正面跟滿畫面幽靈打個照面, 之後叉燒還是照吃可也, 但獨個兒乘電梯就要靠牆站囉…

浩媽的反應則是”極之勇敢類”. 浩媽看同一部戲的電視台首影後, 評語是: “沒什麼, 好嚇人嗎?” 完全是無動於衷…

2006-10-15

延續昨天的”成熟話題”, 阿浩趕工趕出個未來! 用來配襯剛好, 要賣多少好呢?

2006-10-13

近日每逢落樓梯, 都不其然地想: 如果阿浩失足從梯級上”叉”錯腳, 由幾十級上滾下去, 會如何”收科”呢? 其實從客觀物理層面來說, 結果只會是阿浩來個手手腳腳骨折撞瘀毀容受傷, 到腦部受撞擊以至昏迷瘀血不散變深切治療部植物人; 最引起阿浩深思的是, 到底”叉”錯腳要跌的一刻, 阿浩會想什麼呢 — 腦裡一片空白? 死前一刻所有前塵往事在眼前掠過? 還是”今晚無飯食…”??

2006-10-10

2006-10-10

客戶來電郵, 問幾款貨品的資料, 節錄原文如下…

“Dear A, Thank you for your prompt reply. I review your website with customer today, they love below buckles very much but worry the size. Would you mind help to check the actual size and send a available sample to us? ……” [註: 非課本範文, 阿浩只是”照抄”]

變態女貴為同事A的 “Accessory” [此稱號為另一個故事, 容後補述], 同事A便叫變態女將客戶要的樣辦都找出來.

變態女: 咩呀, 佢叫你做兩樣o野喎, 要樣辦同埋另一樣喎.

同事A: 咁另一樣即係咩?

變態女: “and” o丫o麻, 咪要辦同埋………… 係囉.

同事A: 你自己話係咩咯.

剛好阿浩從茶水間出來, 變態女即問阿浩: 阿浩呀, 我呢個唔知——

同事A搶先道: 阿浩, 你唔好教佢, 係佢自己乜都話識!

(一會兒後)

同事A告訴阿浩: 頭先變態女o黎同我講, ”你懶叻啦你, 又唔話我知要做d乜, 而家你話點o丫!?”

係囉, 點o丫!??!

2006-10-06

時間: 晨早流流上班不久

地點: 辦公室

人物: 阿浩, 變態女, 同事A

(同事A走進辦公室, 剛好阿浩走過她身邊去取打印機輸出; 變態女在附近徘徊.)

同事A: (向阿浩說) 嘩, 你件衫幾好睇喎~

變態女: (見同事A跟阿浩說話, 答訕道) 咦, 阿浩, 你今日件衫… 好怪喎.

同事A: 阿浩你件衫咁襯法好睇呀, 條皮帶好靚呀.

阿浩: (向同事A滿心感激一笑, 續向變態女說) 你日日都覺得我怪o架啦… (一副 “你想點呀??” 的態度)

變態女: 係囉, 你咁著好怪呀, 同事A講o麻, 出街前照o下鏡睇o下有無著錯衫o麻…

阿浩: (七孔流血慘狀)

[嘖! 咁即係話我無照鏡啦! 我係凡人o黎o架咋, 有邊日我爆粗鬧人唔好怪我呀!!!   ]

2006-09-29

最近和M努力地鑽研攝影, 拿著各自的LOMO和小DC四處去拍, 雖然拍出來的照片乏善可陳, 不過卻似乎不只三分鐘熱度的說.  

知道老闆有一部較大型的DC — Panasonic FZ5, 簡直都沒有用過, 昨天阿浩問老闆借來玩時才知道原來從未充電… 就等阿浩來剪綵啦!

那天問過ICQ友, 才知道不同ISO菲林的分別, 當然, 明白的也只是皮毛; 光圈, 快門, 暴光等等的事要慢慢才試得出來, 例如同一情況下, 大光圈和小光圈拍攝的照片分別, 果然要試過才知道, 也要試過才記得.