變態女 之 一樓(流)一鳳
2007-12-29
久違了的變態女小故事, 本來阿浩也盡量不寫, 免得被說成是集體欺凌事件, 但這次實在笑到肚痛, 所以各位儘管忍耐一下…
話說變態女的個人衛生指數, 長期處於非常惡劣的負數 (你有聽過女生period時不換內衣褲的嗎…? 
), 昨天終於在同事們的堅決要求下, 清洗平日用來抹手抹碗的一塊髒得灰色化了的毛巾, 由清潔部同事K在洗手間監察. 變態女在家裡是有賓賓的富戶, 十指不沾陽春水, 同事K在旁指導清潔程序, 據報變態女大約用了比正常情況多一倍的清潔劑, 卻只在毛巾的四個角落揉 (正常都會洗毛巾的正中吧??) 同事K在旁問變態女, 何不把衣袖捲起才洗, 現在洗的衣袖都濕了, 變態女說: “妳唔明架喇!” 那倒是真的, 明就唔洗問啦!
擾攘約半小時, 終於洗完, 戲肉來了:
變態女由洗手間一出來就說: 我呀, 專登唔攝起衫袖洗o架, 咁咪可以一次過洗埋上星期食咖哩時整污糟o既衫袖囉, 而家幾干淨, 我真係”一樓一鳳”呀!
**全世界靜默兩秒**
阿浩: (問同事M) 佢頭先最後一句講咩話?
同事M: “一樓一鳳”…
阿浩: (問變態女) 妳講咩呀? 妳知唔知咩叫”一樓一鳳”呀??
變態女: 我梗係知啦, “一樓(流)一鳳”即係讚人好叻o丫嘛!!
(0)
